Volume 52 Issue 10 - October 2014 : Entertainment
Ke tla go senyetsa bokgarebe!
Author : Kutlwano
Artist: Tsopena
Album: Modimo wa rona
Producer: Bullet Ketshabile
Uhu! Golo fa okare mmino wa disco o tla tuma thata mo go bomme. Tsopena o dimakatso e le ruri. Pele fa ke leba tlhamo kwa ntle, ka re ke e e rorisang ramasedi. Fela fa ke e tshameka ka lemoga gore ke ya mosakaso. E batla ba ba jang tlhako fela, motho fa a le setwerere o ka tsamaisana le yone sentle o ka relela a bo a re tshutshu! Fela pina ya gagwe ya borataro, Nyatsi, ke yone e barati ba gagwe ba tlaa e jang monate. O ikana sentle mo pineng e gore nyatsi e e mo thubelang lelwapa o tla e senyetsa bokgarabe. “O nyatsi ya ga mang, o nyatsa mang lwapeng lwaka, O sethuba malwapa ngwanyana,” ke bontlha bongwe jwa mafoko a gagwe. Gone tlhamo yone ke yone!+